ការស្រាវជ្រាវប្រតិបត្តិ (Action Research) គឺជាដំណើរការនៃការសិក្សាស្រាវជ្រាវមួយដែលធ្វើឡើងដោយអ្នកអនុវត្តផ្ទាល់ (ដូចជា គ្រូបង្រៀន អ្នកគ្រប់គ្រង ឬបុគ្គលិកសុខាភិបាល) ដើម្បីស្វែងរកដំណោះស្រាយចំពោះបញ្ហាចំពោះមុខ និងដើម្បីកែលម្អគុណភាពនៃការងារឱ្យកាន់តែប្រសើរឡើង។
ផ្ទុយពីការស្រាវជ្រាវបែបទ្រឹស្តីសុទ្ធសាធ ការស្រាវជ្រាវប្រតិបត្តិផ្ដោតសំខាន់លើ "ការធ្វើផង និងការរៀនសូត្រផង"។
ហេតុអ្វីតម្រូវគរុសិស្សធ្វើការស្រាវជ្រាវប្រតិបត្តិ?
១. ការផ្សារភ្ជាប់ទ្រឹស្តីទៅនឹងការអនុវត្ត
ជួយឱ្យគរុសិស្សចេះយកទ្រឹស្តីមកប្រើដើម្បីដោះស្រាយបញ្ហាពិតក្នុងថ្នាក់ និងយល់ដឹងពីវិធីសាស្ត្រដែលស័ក្តិសម។
២. បណ្តុះទម្លាប់ជាអ្នកដោះស្រាយបញ្ហា
ជួយឱ្យគ្រូបង្រៀនចេះមើលឃើញបញ្ហារបស់សិស្ស កត់សម្គាល់សិស្សដែលរៀនខ្សោយ និងស្វែងរកមូលហេតុពិតប្រាកដ។
៣. អភិវឌ្ឍសមត្ថភាពឆ្លុះបញ្ចាំង
គរុសិស្សរៀនសួរសំណួរទៅកាន់ខ្លួនឯងអំពីប្រសិទ្ធភាពនៃការបង្រៀន និងរបៀបកែសម្រួលដើម្បីឱ្យសិស្សយល់កាន់តែច្បាស់។
៤. ការកែលម្អគុណភាពការបង្រៀន
ជួយឱ្យគ្រូបង្រៀនតែងតែស្វែងរកវិធីសាស្ត្រថ្មីៗ (Innovation) និងមិនឱ្យចំណេះដឹងនៅទ្រឹងមួយកន្លែង។
៥. ត្រៀមខ្លួនសម្រាប់វិជ្ជាជីវៈគ្រូបង្រៀន
ជាបទពិសោធន៍ដ៏មានតម្លៃក្នុងការដោះស្រាយបញ្ហាផ្សេងៗនៅតាមសាលារៀន ដោយម្ចាស់ការលើខ្លួនឯង។